BÍUM BÍUM BAMBALÓ
Þegar fjöllin fimbulhá
fylla brjóst þitt heitri þrá
leika skal ég langspil á,
það mun þinn hugann hugga.
-Bíum, bíum, bambaló,
bambaló og dillidillidó.
Vini mínum vagga ég í ró
en úti bíður andlit á glugga.-
Þegar veður geysa grimm,
grúfir yfir hríðin dimm,
kveiki ég á kertum fimm,
burflæmi skammdegis skugga.
Bíum, bíum, bambaló........
Ef þér sultur sverfur að
sauðakjöt ég hegg í spað
fljótt svo standi full með það
tunna hver, dallur og dugga.
Bíum, bíum, bambaló.......
Ef þig langar eitthvert sinn
ögn að smakka góðfiskinn
fram ég sendi flotann minn;
skínandi skútur og kugga.
Bíum, bíum, bambaló........
Hjá mér bæði hlíf og skjól
hafa skaltu' ef illskufól
flærðir með um foldarból
læðast og launráð brugga.
Bíum, bíum, bambaló........
Texti: Jónas Árnason