HANN ARI ER LÍTILL

Hann Ari er lítill,
hann er átta’ ára trítill
með augu mjög falleg og skær.
Hann er bara sætur,
jafnvel eins er hann grætur
og hugljúfur þegar hann hlær.

En spurningum Ara
er ei auðvelt að svara:
Mamma, af hverju’ er himininn blár?
Sendir Guð okkur jólin?
Hve gömul er sólin?
Pabbi, því hafa hundarnir hár?

Bæði pabba og mömmu
og afa og ömmu
þreytir endalaust spurninga suð:
Hvar er sólin um nætur?
Því er sykurinn sætur?
Afi, gegndu, hver skapaði Guð?

Hvar er heimsendir, amma?
Hvað er eilífðin, mamma?
Pabbi, af hverju vex á þér skegg.
Því er afi svo feitur?
Því er eldurinn heitur?
Því eiga’ ekki hanarnir egg?

Það þykknar í Ara
ef þau ekki svara
og þá verður hann ekki rór,
svo heldur en þegja
þau svara og segja;
þú veist það er verðurðu stór.

Fyrst hik er á svari,
þá hugsar hann Ari,
og hallar þá kannske’ undir flatt
og litla stund þegir,
að lokum hann segir:
Þið eigið að segja mér satt.

Lag:
Texti: Stefán Jónsson
Flytjandi:



Sendiš mér gjarnan póst ef žiš finniš villur ķ textunum
en takiš gjarnan fram viš hvaša texta er įtt.