HEILRÆÐAVÍSUR
Ef þú ert þjakaður þrúgandi fargi
en þraut þína kann enginn né vill gútera.
Og illra geðlæknanna ólyfjan grimmri
en þinn ömurleik kalla menn vesöld einbera
Þá droppaðu við hjá dópmangaranum,
hjá dópmangaranum, hjá dópmangaranum,
Þá droppaðu við hjá dópmangaranum
og kýldu á netta nös.
Já og ef þú ert sligaður eymd þinnar stöðnunar
eyddir innheimar og sviðnir þeir þegja.
Og ef hugur þinn reikull sem horfinn burt var um stund
hefur heimsnúinn svo frá engu að segja.
Þá droppaðu við hjá dópmangaranum,
hjá dópmangaranum, hjá dópmangaranum,
Þá droppaðu við hjá dópmangaranum
og kýldu á netta nös.
Og ef þínar læturu auðnirnar buga þig
innantóma steinsteypuna malbikið,
gapandi tóftir hvar loftsteinar lentu
líf þitt er grátt endalaust hyldjúpt sem rykið.
Þá droppaðu við hjá dópmangaranum,
hjá dópmangaranum, hjá dópmangaranum,
Þá droppaðu við hjá dópmangaranum
og kýldu á netta nös.
Og ef þó lausum við þjakandi þunglyndi
þokukennd ekki eind hernemur geð þér.
Og hugmyndir þær kvikna engar nei aldrei meir
allt slokknað það sem þá bjó innra með
þér.
Þá droppaðu við hjá dópmangaranum,
hjá dópmangaranum, hjá dópmangaranum,
Þá droppaðu við hjá dópmangaranum
og kýldu á netta nös.
Og ef þó að ending loks samdauna ert orðinn því
frostmarki
er andleg hræring þín nú dvelur á.
Og átt ekki framar meir yfir að ráða
þeim andspyrnu neista er þér leyndist með þá.
Þá droppaðu við hjá dópmangaranum,
hjá dópmangaranum, hjá dópmangaranum,
Þá droppaðu við hjá dópmangaranum
og kýldu á netta nös.
En ef þú foraktar orð mín og heilræði
ætlar þig fínni en svo - þá gott og vel.
Þá skaltu útskrifa þig og það endanlega
af áttundu hæðinni á strandhótel.
Flytjandi: Megas
Lag: Megas
Texti: Megas