ROCK OG CHA CHA CHA
Hann var ungur og átti heima í bænum
alltaf var hann á ralli nótt og dag.
Hann var sendur í sveit í einum grænum
svo á hann kæmist lag.
Því þar bjó gamall bóndi sem að átti
nokkurt bú sem hann rak af mestu snilld.
Og með hörku hafði hann alltaf stjórnað
hjúum eftir vild.
En kappinn kom í mjólkurbílnum
um kvöld í nóvember
og kvaðst hér kominn til að vera,
með kurt sem vera ber.
Honum fannst þarna frekar dauflegt vera
sem víst furða ekki nokkur var.
Því að alltaf hreint eitthvað var að gera
og annast skepnurnar.
En bóndinn átti unga og káta dóttur
sem álitleg mjög og fögur var.
Hana langaði til að læra að dansa
svo létt, og hann var þar.
Og á kvöldin þau fóru ein í fjósið
því að þá þurftu kýrnar tugguna.
Og í auðum bás þau æfðu að dansa
Rock og cha cha cha.
En karlinn komst að þessu öllu
og kvaðst ei vilja það.
Það væri best að brátt hann færi
á burt. Já nema hvað?
En nú er hann aftur hingað kominn
og hún ein má nú hirða gripina.
Og hún aldrei oftar fær að dansa
Rock og cha cha cha.
Flytjandi: Ragnar Bjarnason
Lag: Ragnar Bjarnason
Texti: Jón Sigurðsson