VOR Í VAGLASKÓGI
Kvöldið er okkar og vor um Vaglaskóg.
Við skulum tjalda í grænum berjamó.
Leiddu mig vinur í lundinn frá í gær:
Lindin þar niðar og birkihríslan grær.
Leikur í ljósum
leikum og angandi rósum.
Leikur í ljósum
lokkum hinn vaggandi blær.
Dagperlur glitra, um dalinn færist ró.
Draumar þess rætast sem gistir í Vaglaskóg.
Kveldrauðu skini á krækilyngið slær.
Kyrrðin er friðandi mild og angurvær.
Leikur í ljósum
leikum og angandi rósum.
Leikur í ljósum
lokkum hinn vaggandi blær.
Lag: Jónas Jónasson
Texti: Kristján frá Djúpalæk